header photo

باهار گه لیب بایرامینیز مبارک

باهار گه لیب بایرامینیز مبارک

ایللر بویی تکجه شادلی گون گوره ک

کدر گئتسین اوره گیمیز اچیلسین

صلح گلسین یوردوما گول ساچیلسین

باهار گه لیب یاشیلاشیر یاماجلار

قار آری ییب چیچک اچیر اغاجلار

باهار ائله ته زه لشیب ایلیمیز

اغزیمیزدا صیغمیر سوزه دیلیمیز

باهار گه لیب دوغولوبدیر بولاقلار

سحر سحر گوللر شوقد ان اغلار

منجیق منجیق گوز یاشلاری سوزولر

اخار گه لر تر یارپاقدان اوزولر

دوشر یئره شِه اوتورار تورپاغا

پروانه لر قاناد آچار اوچماغا

وزیلتیله بال آری سی یووادان

اوچار قونار گول اوستونه هاوادان

بیر بیر بوتون گوللرایله، ئو پوشر

بولبول گه زر پروانه ائله گوروشر

ده یر ینی بایرامینیز، مبارک

ایللر بویی تکجه شادلی گون گورک

خرمن خرمن لاله گه لر ساری گول

گوزل وطن باهار گولور، سنده گول

چایلاریمیز کوفولتیله اخارلار

داشا ده ییب ائلدیریم تک شاخارلار

اخار گه لر دالغالانار بورولار

گئدر، گئدر، دریالاردا دورولار

لهلی سولار، شفاف، اولار بولور تک

بولاقلاری همیشه لیک وار گوره ک

آه نه گوزل بیزیم داغلار زیروه سی

دره لرده اوجالار ککلیک سه سی

دسته دسته قاقیلداییب اوخویار

داغلیق بوتون گول عطریله قوخویار

غاز لار اوچار گویلرده دسته دسته

هئچ کیم اولماز ساری بولبول هوسده

جویلتیله سسین الار باشینا

احوال ده یر نه لر گلمیش باشینا

ای لار دیر کی گولدن اوزاق گزمیشم

هیجان ائله اوره ییمی اوز میشم

گولدن ایری یاشامارام هئچ زامان

بایرام گونی چالیناجاق، تار، کامان

قالاق قالاق بولود گویده سورونر

چن اوتورار، داغ دومانا بورونر

یاغیش یاغار سیلابدا سو کوشولدار

لاله کوُز تک چمنلیکده ایشیلدار

چن اوتورار، چولده یئره شِه دوشر

بنفشه لر بوینون اگیب بوزوشر

باهار گه لیب جاوانلاشیر اوره کلر

قلبیمیزده جوشور آرزو دیلک لر

دوداقلاردا شن گولوشلر اویناییر

قلبیمیزده انسان عشقی قایناییر

ینی ایلده بیر اولاجاق ائلیمیز

بیر ده یه جک یاشا وطن دیلیمیز

چایلار کیمی چاغلایاجاق اخاجاق

دالغالانیب ظلمین ائوین ییخاجاق

م . پزشکی - فروردین 66

Go Back

Comment