خبار داخلی

^{شاعر نوپرداز آذربایجان}

^{شب از نفس سرد چو افسونگر مرموز}

^{صد نغمه و صد زمزمه در بیشه بر انگیخت}

^{مهتاب عیان گشت چون افرشته ئی از دور}

^{نورِ تر و کمرنگ سرِ آبِ روان ریخت}

^{مرغان همه آسیمه سر از تابش مهتاب}

^{یک یک ز نهانخانه ی نیزار پریدند}

^{نشنفته شب ، آهنگ روانپرور نیزار}

^{در آب روان پرده ی مهتاب دریدند}

^{بس ماه برآمد ز پسِ پرده اسرار}

^{بس شب سپری گشت، خوش آهنگ و فسونکار}

^{لیکن تن سنگین و دل تیره ندانست}

^{قدر شب مهتاب و شب وصلت دلدار}

^{مهتاب فراز آمد و مرغان شباهنگ}

^{از نور گریزان شده در سایه بخفتند}

^{رفتند پس پرده ی تاریکی و نسیان}

^{چون خاطره ی بی اثر از یاد برفتند .}

^{سؤندورمه!}

^{سوندورمه خلوتیمده بو شب شمعِ وصلتی}

^{تا فجرین ایلك ایشیقلاری اؤپسون افقلری}

^{قال بستریمده‌ ای گؤزلیم! تا سحریلی}

^{اؤپسون سیاه تئللرین، آچسین نیلوفری …}

^{گیتمه! ایشیدمدن سحرین جانلی نغمه‌سین،}

^{قوشلار ترانه‌سین …}

^***

^{سؤندورمه شمعی، سؤیله‌سین افسانه‌لر سنه.}

^{سن سیز گئچن دقیقه لرین ناله سین ائشیت …}

^{بونجه بیان اولان سوزومه‌ گر اینانماسان،}

^{سینه‌مده چارپینان اوره‌گین، گل‌ سسین اشیت}

^{اولسون سنه عیان ملكیم! سر محنتیم،}

^{عشقیم، محبتیم …}

^ماهنی،

^{بولود آردی شیمشك چاخار،}

^{اریر قارلار، سولار آخار،}

^{داغ آردیندان گۆنش گۆلر،}

^{اولار باهار، اولار باهار …}

^***

^{گۆن ساچلارین سویا تؤكر،}

^{اؤزون گؤروب، سودا گۆلر!}

^{گؤیدن ائنیب، اینسانلارا}

^{او دۆنیادان خبر وئرر …}

^***

^{آی قیزیل گۆن، قیرمیزی گۆن!}

^{داغلار آرا، نه‌لر گؤردۆن؟}

^{درین ـ درین کؤلگه ده سن}

^{نه‌لر گؤردۆن، آی قیزیل گۆن؟}

^{زنجیری قیر}

^{“ملانکۆلی” زنجیرین قیر،}

^{پرده آردی یوخدور بیر سیر .}

^{آچ کتابی هر شئیی بیـل،}

^{آینالاردان توزلاری سیل.}

^{طاعتینـه گـۆوه نمـه‌دن،}

^{گؤیدن رحمت دیله نمه‌دن.}

^{سن تورپاقدا باغچا بئجرت،}

^{قـوی تانرییا قالسین جنّت.}

^{اینانما چوخ یالان سؤزه،}

^{گۆن دوغارسا چاپار گؤزه.}

^{بو دۆنیانی آتـما گؤزل،}

^{آخیرتـه ساتـما گؤزل.}

^{اومید پیکی}

^{باغلادیم پنجره‌نی، گئجه‌نین ایشیقلاری}

^{بوغولدو بیر آن ایچره، قارانلیق اوتاغیمدا؛}

^{تؤكۆلدۆ كهكشانین، یولوما صدفلری،}

^{سارالدی آرزولارین، گۆللری بوداغیمدا …}

^***

^{یۆزلرجه‌ بؤجكلرین، تیتره‌ ین اینجه سسی،}

^{اریدی تارلالارین، رمزناک ‌ ظۆلمتینده.}

^{كسیلدی یئلین سسی، سولارین زمزمه‌سی،}

^{اوجالدی باشقا سسلر، مئشه‌نین خلوتینده}

^***

^{باغلاسام پنجره‌نی، گئجه‌نین ایشیغینا،}

^{گؤنۆلده یانان آتش، بلكه ده سؤنمه یه جك!}

^{منی بو قارانلیقدا، آختاران اۆمید پئیكی،}

^{شفقلی آرزولارین یولوندان دؤنمه یه جك.}

^***

^{اولدوزلو گئجه‌لرین، رنگلری سولانا دَك}

^{قوی گؤنۆل قارانلیقدا، دینله‌سین اؤز نفسین}

^{یئتر بو كور دۆنیانین، فوسونكار ترانه‌سی}

^{قوی ‌بیر آز ائشیدیم من، باشقا عالملر سسین …}

^دامان

^{داشلاردان آخان سویون، فسونكار شیریلتسی}

^{سحرین آهنگی می، كوللارین پرده‌سینده؟}

^{سولارین آهنگی‌می، آندیران باشقا سسلر:}

^{انعكاس ائتمیش مگر، نسیمین نفسینده؟}

^***

^{چینارلار كؤلگه سالیب یوللارا، کئچیدلره،}

^{سؤیۆ‌دلر چارداق قوروب، یام- ‌یاشیل ایپكلردن.}

^{سۆنبۆلدن گۆله قونان، پروانه نه ایسترمیش:}

^{یونجالار ایچره آچان، سۆسنی چیچكلردن؟}

^{گئجه ایشیقلاری}

^{آی، باشقا بیر دۆنیانی آیدینلادارکن، بیزیم}

^{قارانلیق گئجه میزی اولدوزلار آیدینلادار}

^{گیزلی سؤنوک ایشیقلار باغلارین مئشه‌لرین}

^{ان قارانلیق یئرینده اسرارلی یوللار آچار.}

^***

^{ظۆلمتلره آلیشقان، گئجه قوشلاری}

^{بئله او غملی بوش یوللاردان، اوزاقلاشیب، قاچارلار}

^{یالنیز او یوللار اۆسته، یورغون آغیر کؤلگه‌لر}

^{قیریق بی کس گؤنۆللر بیربیرینی تاپارلار…}